Foto: Polisia.kz
Almatyda politseige judyryq ala júgirgen er adam qamaýǵa alyndy, – dep habarlaidy "Ult aqparat" Polisia.kz-ke silteme jasap.
Media-portal málimetinshe, 19 jeltoqsan saǵat 03:20-da patrýldik politsiianyń mamandandyrylǵan batalonynyń ekipajy Dostyq dańǵyly men Snegin kóshesiniń qiylysynda júrgizýshisiniń is-áreketi kúdikti bolyp kóringen Toyota avtokóligin baiqaidy. Qoldanylǵan sharalardyń arqasynda kólik toqtatylǵan.
Kólik ishinde júrgizýshi men tórt jolaýshy bolǵan. Olar birden teris qylyq kórsetip, mas kúide politsiia qyzmetkerleriniń zańdy talabyna baǵynbaǵan. Sonymen qatar er adamdar ózderiniń zańsyz áreketteri sebebinen toqtatylǵan Toyota Camry kóliginiń júrgizýshisine qashyp ketýge kómektesken. Ol da mas kúiinde rólge otyrǵan bolýy múmkin. Sonyń saldarynan jol qozǵalysyna qatysýshylarǵa naqty qaýip tóndirgen.
"Júrgizýshiniń jeke basy anyqtaldy. Ony ustaý sharalary júrgizilip jatyr.
Sondai-aq quqyqbuzýshylardyń biri zańdy talapqa baǵynbai, politsiia qyzmetkeriniń betinen urǵan. Onyń bul áreketteri QR QK-niń 380-baby ("Bilik ókiline qatysty qorqytý nemese kúsh kórsetý áreketteri") boiynsha kvalifikatsiialanady.
Sonymen qatar oqiǵaǵa qatysýshylardyń barlyǵyna qatysty QR QK-niń 379-baby ("Bilik ókiline baǵynbaý") boiynsha qylmystyq is tirkeldi jáne QR ÁQBtK-niń 667-baby ("Quqyq qorǵaý organy nemese arnaýly memlekettik organ, áskeri politsiia organy, memlekettik feldegerlik qyzmet qyzmetkeriniń (áskeri qyzmetshisiniń), sot pristavynyń, sot oryndaýshysynyń zańdy ókimine nemese talabyna baǵynbaý") boiynsha ákimshilik materialdar jinaqtaldy" - delingen habarlamada.
Politsiia qyzmetkerine qol kótergen er adam qamaýǵa alyndy.
