Almatyda politsiia qyzmetkeri ózine qol jumsamaq bolǵan er adamdy qutqaryp qaldy, dep habarlaidy QazAqparat.
«102» pýltine dabyl túnde kelip tústi. Qońyraý shalǵandar belgisiz er adam Nazarbaev pen Abai dańǵylynyń qiylysynda ornalasqan munaradan sekirmekshi bolyp turǵanyn habarlady. Oqiǵa ornyna PD túsirilim toby alǵashqylardyń biri bolyp jetti. Osy kezde «Frantsýz úiiniń» kúzetshisi joǵaryǵa kóterilip, er adammen kelissóz júrgizip jatty. Al «Boran-160» ekipajynyń patrýl qyzmetkerleri tómende turyp, er adam qulasa qaǵyp alý úshin tent jaidy.
«Yńǵaily sát kelgende joǵary shyqtym. Artynan jasyrynyp baryp, kúzetshimen birge er adamdy ustap aldyq, onyń óz-ózine qol jumsamaq áreketine tosqaýyl qoidyq. Ony baspaldaqpen tómen túsirdik. Belgisiz adam qatty mas boldy jáne óz áreketiniń sebebin naqty túsindire almady. Patrýldik ekipaj ony tergeý úshin Bostandyq aýdandyq politsiia basqarmasyna ákeldi», - dep Almaty qalalyq Politsiia departamenti Ishki jáne syrtqy kommýnikatsiialar basqarmasynyń baspasóz qyzmeti qyzmetkeri Talǵat Seiilbaev.
Onyń kim ekenin politsiia anyqtady. M. esimdi er adam 1977 jyly týǵan, naqty turǵylyqty jeri joq.
