Almatyda pnevmoniia aýrýymen kóbinese áielder aýyrǵan. Bul týraly onlain brifing barysynda qalalyq Qoǵamdyq densaýlyq basqarmasynyń basshysy Kamaljan Nadyrov aitty, dep habarlaidy "Ult aqparat".
Onyń aitýynsha, qala statsionarlarynda jyl basynan beri 6175 patsient emdelip shyqty.
«Blokpostardy alyp tastaǵannan keiin aýyrǵandar sany sany ósti. Búgingi kúni jaǵdai turaqtalyp keledi. Eger maýsymda pnevmoniiamen emdeýge jatqyzylǵandardyń sany táýligine 300 adamǵa deiin jetken bolsa,onda qazir emdeýge jatqyzýlar sany 2 esege tómendedi jáne táýligine 133 adamnan aspaidy» , - dedi Kamaljan Nadyrov.
Sondai-aq, ambýlatoriialyq deńgeide jaǵdaidyń turaqtalǵany baiqalady, aǵymdaǵy aida ókpe qabynýy bar patsientter sany 2 esege tómendep 1000-nan 480-ge deiin azaidy.
«Statistika kórsetkendei, pnevmoniiamen aýyratyndardyń jalpy sanynyń 60% áielder. Sondai-aq, jedel járdem qońyraýlarynyń azaiǵany baiqalady. Eger aýrýshańdyq shyńynda (maýsymnyń sońy – shildeniń basy) shaqyrýlar sany 3000-ǵa deiin jetken bolsa, búgingi kúni bul kórsetkish 1800 jaǵdaidan aspaidy», - dep tolyqtyrdy ol.
Basqarma basshysynyń aitýynsha, qazir Almatyda 9634 COVID-19 jaǵdaiy tirkelgen.
KVI simptomdarymen úide 2446 adam baqylaýǵa alynǵan. Onyń ishinde 1762 adam simptomsyz, 684 patsient simptommen aýyrǵan.
