Almaty ákimi Baqytjan Saǵyntaev Almaty arnasyndaǵy Akimat Live baǵdarlamasynda pnevmoniiamen emhanaǵa túsip jatqan aýrýlardyń sany 2 ese azaiǵanyn aitty, dep habarlaidy QazAqparat.
Ákimniń sózine sensek, patsientter sany maýsymda óte kóp bolǵan.
«Osy ýaqyt aralyǵynda 6 175 patsient pnevmoniiadan emdeldi. Eger aýrýdyń órshý kezeńinde kúnine - 300 patsient aýrýhanaǵa túsken bolsa, búginde táýligine - 133 adam túsip jatyr», - dedi Baqytjan Saǵyntaev.
Shahar basshysy dárigerlermen tikelei bailanysta otyrǵanyn aitty.
«Men negizgi aýrýhanalardyń bas dárigerlerimen únemi sóilesip, olardan aýrýhanaǵa túsken adam sanyn surap otyramyn. Máselen, ótkende № 7 aýrýhanaǵa kúnine 100 syrqat pnevmoniiamen túsip otyrǵan. Sońǵy ýaqytta táýligine 15-20 adamnan túsip jatyr. № 4 aýrýhana, Shuǵyl meditsinalyq kómek kórsetý aýrýhanasyna, №1 aýrýhanaǵa jatqyzylǵan patsientter sany da azaiyp keledi. Baiqaǵanymyzdai, pnevmoniiamen túsken naýqastar sany eki ese azaiǵan», -dedi ákim.
