Para alǵany úshin sottalǵan Almaty perinataldyq ortalyǵynyń burynǵy direktory 27,3 mln teńge aiyppul tóledi, dep habarlaidy QazAqparat.
2021 jyldyń maýsym aiynda №2 Bostandyq aýdandyq soty Almaty qalasynyń perinataldyq ortalyǵynyń burynǵy bas dárigerine qatysty qylmystyq isti qarady. Ol Qylmystyq kodekstiń 366-baby 3-bóligi 4 -tarmaǵy (para alý) boiynsha sottaldy.
«Sot barysynda sottalýshy Ǵ.B kinásin tolyq moiyndady, istegen isine ókindi, sonymen qatar protsessýaldyq kelisimge keldi, sol boiynsha 6 ai ishinde 35 ese aiyppul tóleýge mindetteldi. Sot úkimimen ol memlekettik qyzmette, sotta, jergilikti ózin-ózi basqarý organdarynda, Ulttyq bankte jáne onyń departamentterinde, retteý, baqylaý jáne qadaǵalaý jónindegi ýákiletti organdarynda laýazymdy orynda otyrý múmkindiginen aiyryldy»,- dep habarlady №2 Bostandyq aýdandyq sotynan.
Búgingi kúni ol 27,3 mln teńge kólemindegi aiyppuldy tolyq tóledi. Úkim zańdy kúshine endi.
