پارا العانى ٷشٸن سوتتالعان الماتى پەريناتالدىق ورتالىعىنىڭ بۇرىنعى ديرەكتورى 27,3 ملن تەڭگە ايىپپۇل تٶلەدٸ, دەپ حابارلايدى قازاقپارات.
2021 جىلدىڭ ماۋسىم ايىندا №2 بوستاندىق اۋداندىق سوتى الماتى قالاسىنىڭ پەريناتالدىق ورتالىعىنىڭ بۇرىنعى باس دەرٸگەرٸنە قاتىستى قىلمىستىق ٸستٸ قارادى. ول قىلمىستىق كودەكستٸڭ 366-بابى 3-بٶلٸگٸ 4 -تارماعى (پارا الۋ) بويىنشا سوتتالدى.
«سوت بارىسىندا سوتتالۋشى ع.ب كٸنەسٸن تولىق مويىندادى, ٸستەگەن ٸسٸنە ٶكٸندٸ, سونىمەن قاتار پروتسەسسۋالدىق كەلٸسٸمگە كەلدٸ, سول بويىنشا 6 اي ٸشٸندە 35 ەسە ايىپپۇل تٶلەۋگە مٸندەتتەلدٸ. سوت ٷكٸمٸمەن ول مەملەكەتتٸك قىزمەتتە, سوتتا, جەرگٸلٸكتٸ ٶزٸن-ٶزٸ باسقارۋ ورگاندارىندا, ۇلتتىق بانكتە جەنە ونىڭ دەپارتامەنتتەرٸندە, رەتتەۋ, باقىلاۋ جەنە قاداعالاۋ جٶنٸندەگٸ ۋەكٸلەتتٸ ورگاندارىندا لاۋازىمدى ورىندا وتىرۋ مٷمكٸندٸگٸنەن ايىرىلدى»,- دەپ حابارلادى №2 بوستاندىق اۋداندىق سوتىنان.
بٷگٸنگٸ كٷنٸ ول 27,3 ملن تەڭگە كٶلەمٸندەگٸ ايىپپۇلدى تولىق تٶلەدٸ. ٷكٸم زاڭدى كٷشٸنە ەندٸ.
