Kommýnaldyq qyzmetterdiń ótemaqysyn alý úshin call-ortalyqqa 20 myńnan astam almatylyq júgingen. Bul týraly onlain brifing barysynda qalalyq energetikalyq tiimdilik jáne infraqurylymdyq damý basqarmasynyń basshysy Áset Masabaev aitty, dep habarlaidy "Ult aqparat".
Almaty qalasy Ánergotiimdilik jáne infraqurylymdyq damý basqarmasynyń basshysy Áset Masabaevtyń aitýynsha, sońǵy úsh kúnde call-ortalyqqa 20 520 adam kommýnaldyq ótemaqy máselesimen qońyraý shalǵan.
«Birinshi kúni 17 operator jumys istedi. Keshe olardyń sanyn 40 adamǵa deiin kóbeittik, aldaǵy demalys kúnderi taǵy 30 operator qosamyz. Óitkeni, jaýap berip úlgere almai jatyrmyz. Sońǵy 3 kúnde 20 520 adam qońyraý shalǵan. Onyń ishinde 4073 ótinishti qaradyq, tek 2011 adamnyń ótinishi maquldandy» – dedi Áset Masabaev.
Onyń aitýynsha, ótinish bergenderdiń kópshiligi QR Indýstriia ministrligi bekitken sanatqa jatpaidy.
«TJ kezindegi QR prezidenti janyndaǵy komissiiamen bekitilgen erejege sai kommýnaldyq ótemaqy tek myna sanatqa jatatyndarǵa beriledi: 1-3 top múgedekterine, múgedek balasyn asyrap otyrǵandarǵa, kópbalaly otbasy, soǵys ardagerleri, memleketik qyzmette nemese qoǵamdyq mindetin atqarý barysynda qaza tapqandardyń otbasylary jáne eń tómengi deńgeide zeinetaqy alatyndarǵa. Habarlasqandardyń kópshiligi páterdi jaldap turatynyn jáne qandai kómek bolatynyn surap jatyr. Degenmen, komissiiamen bekitilgen tártipke sai mundai adamdardyń kommýnaldyq tólemi ótelmeidi. Iaǵni, jaldap turyp jatqandarǵa mundai kómek jasalmaidy, kórsetilgen sanatqa kiretinderdiń óz derbes shoty bolý kerek», - dedi ol.
