Almatyda páter urysy kezekti úidi tonaý kezinde ustaldy, dep habarlaidy QazAqparat.
Bul týraly Almaty qalalyq Politsiia departamentiniń baspasóz qyzmeti habarlady.
Buryn sotty bolǵan 1973 jyly týǵan Ý. esimdi azamatty tártip saqshylary Gagarin kóshesindegi úilerdiń biriniń aýlasynda ustady.
«Ustaýǵa birneshe minýt qalǵanda sottalýshy almatylyq qyzdyń páterin tonaǵan. Ol sol jerden altyn buiymdardy urlap, úi iesine 200 myń teńgeden astam materialdyq zalal keltirdi. Kúdiktiden tabylǵan zattar protsessýaldyq tártippen tárkilendi. Sonymen qatar tekserý kezinde tabylǵan pnevmatikalyq tapansha da qylmystyq is materialyna tirkeldi. Ý. esimdi azamat ýaqytsha ustaý izoliatoryna qamaldy»,- dedi Almaty qalasy PD Kriminaldyq politsiia basqarmasynyń bastyǵy Qýatbek Naýatov.
Spikerdiń sózinshe, qazirdiń ózinde politseilerde ustalǵan adamnyń osyndai úsh urlyqqa qatysy bar ekendigine senimdi derekter bar.
Sotqa deiingi tergeý aiaqtalǵanǵa deiin jeńil aqshaǵa áýesqoidyń qurbandarynyń tizimi tolyqtyrylýy múmkin.
