الماتىدا پەتەر ۇرىسى كەزەكتٸ ٷيدٸ توناۋ كەزٸندە ۇستالدى, دەپ حابارلايدى قازاقپارات.
بۇل تۋرالى الماتى قالالىق پوليتسييا دەپارتامەنتٸنٸڭ باسپاسٶز قىزمەتٸ حابارلادى.
بۇرىن سوتتى بولعان 1973 جىلى تۋعان ۋ. ەسٸمدٸ ازاماتتى تەرتٸپ ساقشىلارى گاگارين كٶشەسٸندەگٸ ٷيلەردٸڭ بٸرٸنٸڭ اۋلاسىندا ۇستادى.
«ۇستاۋعا بٸرنەشە مينۋت قالعاندا سوتتالۋشى الماتىلىق قىزدىڭ پەتەرٸن توناعان. ول سول جەردەن التىن بۇيىمداردى ۇرلاپ, ٷي يەسٸنە 200 مىڭ تەڭگەدەن استام ماتەريالدىق زالال كەلتٸردٸ. كٷدٸكتٸدەن تابىلعان زاتتار پروتسەسسۋالدىق تەرتٸپپەن تەركٸلەندٸ. سونىمەن قاتار تەكسەرۋ كەزٸندە تابىلعان پنەۆماتيكالىق تاپانشا دا قىلمىستىق ٸس ماتەريالىنا تٸركەلدٸ. ۋ. ەسٸمدٸ ازامات ۋاقىتشا ۇستاۋ يزولياتورىنا قامالدى»,- دەدٸ الماتى قالاسى پد كريمينالدىق پوليتسييا باسقارماسىنىڭ باستىعى قۋاتبەك ناۋاتوۆ.
سپيكەردٸڭ سٶزٸنشە, قازٸردٸڭ ٶزٸندە پوليتسەيلەردە ۇستالعان ادامنىڭ وسىنداي ٷش ۇرلىققا قاتىسى بار ەكەندٸگٸنە سەنٸمدٸ دەرەكتەر بار.
سوتقا دەيٸنگٸ تەرگەۋ اياقتالعانعا دەيٸن جەڭٸل اقشاعا ەۋەسقويدىڭ قۇرباندارىنىڭ تٸزٸمٸ تولىقتىرىلۋى مٷمكٸن.
