Almatyda sheteldikterdi aldap júrgen er adam ustaldy. Ol ózin ishki ister organdarynyń qyzmetkerimin dep tanystyrǵan, dep habarlaidy "Ult aqparat".
Naýryzbai aýdanynyń politsiia bóliminiń málimetinshe, 1985 jyly týǵan I. ózin quqyq qorǵaý organdarynyń qyzmetkerimin dep tanystyrǵan.
«Er ózin adam quqyq qorǵaý organdarynyń qyzmetkeri retinde tanystyryp, azamattardyń senimine kirý arqyly aldaǵan. Atap aitqanda, adamdary kóshi-qon salasyndaǵy máselelerdi sheshýge, Qazaqstanda turýǵa ruqsat alyp berýge kómektesetinine sendirgen. Ár qyzmeti úshin alaiaq sheteldikterden 250 myń teńge kóleminde aqsha alyp kelgen. Ol ýádeleri senimdi bolý úshin jábirlenýshilermen kezdesýge barǵanda, tártip saqshysynyń formasyn kiip alǵan. Qazir ýaqytta I. ustaldy. Tergeý barysynda onyń quqyq qorǵaý organdarymen eshqandai bailanysy joq ekendigi anyqtaldy. Ustalǵan azamattyń zańsyz áreketterinen birneshe adam, sonyń ishinde sheteldikter zardap shekken. Osyǵan bailanysty tergeý bólimi onyń sýretin jariialady. Eger tanyp jatsańyzdar myna telefondarǵa habarlasý qajet: 254-44-61 jáne 254-44-62; 254-44-64», - Naýryzbai aýdany politsiia basqarmasy bastyǵynyń orynbasary Zýhrab Myrzaǵali.
Búginde QRQK 190-baby boiynsha sotqa deiingi tergeý júrip jatyr. Kúdikti ýaqytsha ustaý izoliatoryna qamaldy.
