Almatyda oqýshylar dúisenbiden bastap beinesabaq arqyly oqidy. Bul týraly búgin Almaty ákimi Baqytjan Saǵyntaev aitty, dep habarlaidy "Ult aqparat".
Ákimniń aitýynsha, sabaqtar Almaty telearnasynda kórsetiledi.
«Dúisenbiden bastap «Almaty» telearnasynan beinesabaqtardy kórsetýdi bastaimyz. Jumys kúnderi saǵat 11.00-den 13.00-ge deiin 9-11 synyp oqýshylarǵa negizgi pánder boiynsha sabaq beriledi. Bul — qashyqtan beriletin sabaqtarǵa qosymsha jaqsy múmkindik. Barlyǵymyz, pedagogter de, ata-analar da oqytýdyń jańa júiesine tezirek beiimdelgenimiz jón. Karantin aiaqtalǵannan keiin de oqý úrdisiniń jalpy deńgeiin tómendetip almai jalǵastyrýymyz mańyzdy«, - dedi ákim áleýmettik jelidegi paraqshasynda.
