Almatyda qala ákimi Darhan Satybaldynyń tapsyrmasymen kópfýnktsionaldy Almaty Water Garden keshenin salý josparlanyp otyr. Jańa nysan Alataý aýdanynda Baýyrjan Momyshuly men Sain kósheleriniń aralyǵynda ornalasady, dep habarlaidy ult.kz.
Keshenniń basty ereksheligi, serýendeýge arnalǵan jaǵalaýlary, demalys aimaqtary jáne kógaldandyrylǵan qoǵamdyq keńistikteri bar uzyn sý arnasy bolmaq. Joba aiasynda sondai-aq, saiabaq aimaǵy, fýdkort, kontsertter men festivalder ótkizýge arnalǵan ashyq amfiteatr, saýda jáne qyzmet kórsetý nysandary salynady.
Otbasylyq demalys úshin balalar ortalyǵy, okeanariým jáne kóbelekter mýzeiin salý josparlanǵan. Keshenniń sáýlettik kelbetin sholý alańy bar munara tolyqtyrady.
Jobany júzege asyrý 2026-2027 jyldarǵa josparlanǵan.
