Almatyda «Nur Otan» partiiasy qalalyq filialynan máslihat depýtattyǵyna úmitkerlerdiń partiialyq tizimin tirkeý aiaqtaldy, dep habarlaidy "Ult aqparat".
Búgin megapoliste Almaty qalasy aýmaqtyq sailaý komissiiasynyń otyrysy ótti. «Nur Otan» partiiasynyń Almaty qalalyq filialynan Almaty qalasy máslihatynyń depýtattyǵyna kandidattardyń partiialyq tizimin tirkeý týraly másele qaraldy.
«Kandidattardyń talaptarǵa sáikestigi anyqtalǵannan keiin «Nur Otan» partiiasy Almaty qalalyq filialynyń partiialyq tizimi eskertýsiz tirkeldi. Aita keteiik, qalalyq konferentsiia barysynda máslihat depýtattyǵyna 78 adamnan turatyn kandidattardyń partiialyq tizimi jasaldy. Olardyń qatarynda barlyq áleýmettik jáne kásibi toptardyń ókilderi bar. Onyń ishinde 27 áiel (35%) jáne 35 jasqa deiingi 15 jas bar (20%)» dep habarlady partiianyń baspasóz qyzmetinen.
Aita keteiik, eger sailaýdy belgileý kezinde ózgertýler engizilmese, partiialyq tizim boiynsha sailanatyn máslihat depýtattyǵyna kandidattardy usyný sailaý kúnine eki ai qalǵanda bastalady jáne oǵan bir ai qalǵanda jergilikti ýaqytpen saǵat on segizde aiaqtalady.
Saiasi partiialar usynatyn partiialyq tizimdi tiisti aýmaqtyq sailaý komissiialary tirkeidi.
