Búgin Almaty qalasy ákiminiń orynbasary Erjan Babaqumarovtyń tóraǵalyǵymen Almaty qalasyndaǵy fizika-matematika baǵytyndaǵy Nazarbaev Ziiatkerlik mektebi Qamqorshylyq Keńestiń otyrysy ótti, dep habarlaidy "Ult aqparat".
Keńeske «Nazarbaev Ziiatkerlik mektepteri» DBBU Basqarma tóraǵasy K. Shámshidinova men qamqorshylyq keńes músheleri qatysty.
Otyrys barysynda mekteptiń 2019 jyl boiynsha damý qorytyndysy shyǵaryldy, sondai-aq bilim berý qyzmetteriniń sapasyn odan ári arttyrý, materialdyq-tehnikalyq bazany jańǵyrtý jónindegi josparlar qaraldy. Búgingi tańda NZM Almaty filialynyń oqýshylary respýblikalyq jáne halyqaralyq olimpiadalarǵa belsendi qatysady: 600-ge jýyq oqýshy jeńimpaz jáne júldeger atandy, 358-i ǵylymi jarystar men konkýrstarda jeńiske jetti.
Nazarbaev Ziiatkerlik mektebiniń bilim berý tájiribesin qalalyq mektepterge taratý jáne barlyq oqýshylar úshin NZM tehnologiialarynyń qoljetimdiligin arttyrý máselesine erekshe nazar aýdaryldy. Qaladaǵy 23 jetekshi mektep NZM júiesi boiynsha sabaq berýge kóshti. Almaty ákimdiginiń bastamasymen 2019 jyldyń qyrkúiek aiynan bastap pilottyq joba aiasynda NZM standarttary qalanyń 8 shalǵaidaǵy mektepterinde engizilýde. №7, №195, №186, №193, №184 mektepterde seminarlar, sheberlik jáne ashyq sabaqtar uiymdastyryldy.
Sonymen qatar, fizika-matematikalyq, injenerlik baǵyttar boiynsha jáne himiia, robototehnika, baǵdarlamalaý salasynda jańa IT sheshimderin engizý perspektivalary talqylandy. Bul sharalar oqýshylardyń básekege qabilettiligin arttyrýǵa jáne eńbek naryǵynyń ózgermeli talaptaryna daiyndaýǵa múmkindik beredi.
Talqylaý qorytyndysy boiynsha ákim orynbasary, Almaty qalasyndaǵy fizika-matematikalyq baǵyttaǵy Nazarbaev Ziiatkerlik mektebi qamqorshylyq keńesiniń tóraǵasy E. Babaqumarov QR Tuńǵysh Prezidenti - Elbasy N. Nazarbaev atyndaǵy mektepterde ulttyq bilim berý sapasyn arttyrý úshin barlyq jaǵdai jasalǵanyn atap ótti.
Sonymen qatar, Qamqorshylyq keńes músheleri mekteptiń kabinettik qory men ǵylymi bazasynyń jumysyn tekserip, zerthanalar, fizika, himiia, robototehnika kabinetteri, oqý telestýdiiasy, oranjereia jáne kitaphanany kórip shyqty.
