Almatyda Naýryz meiramyn merekeleý barysynda 25 tonna baýyrsaq , 25 tonna naýryz kóje jáne 5 tonna palaý daiyndalady. "Astana" alańy, Panfilov jáne Jibek Joly kóshelerinde, Atletter aýylynda, Almaty Arena aldyndaǵy alańda jáne barlyq aýdandarda dástúrli as mázirinen dám tatýǵa bolady, - dep habarlaidy "Ult Aqparat" Almaty ákimdiginiń baspasóz qyzmetine silteme jasap.
Almaty bazarlary da "Naýryz-2018" meiramyn keńinen atap ótedi. Qalanyń 46 bazary 20 naýryzdan 21 sáýirge deiingi bir aiǵa jýyq aralyqta ulttyq merekeni toilaidy. Osy kezeń ishinde qala turǵyndary men qonaqtaryna tegin naýryz kój, palaý men baýyrsaq beriledi. Bulardan ózge, ulttyq sport saiystary men merekelik kórsetilimder uiymdastyrylady.
"Naýryz meiramyn 46 bazar óz alańdarynda 2 ret - 22 naýryz ben ai ishindegi bir kúnde uiymdastyrady. Bazarlardyń barlyǵy 8 tonna naýryz-kóje, 25 myń tonna palaý, 12 tonna baýrysaq daiyndaidy", - dedi Almaty qalasynyń Kásipkerlik jáne indýstrialdy-innovatsiia damý basqarmasy.
Bulardan ózge, merekelik quttyqtaýǵa qalanyń barlyq meiramhanalary da qatysady. Qoǵamdyq tamaqtaný oryndarynyń barlyǵynda Naýryz Meiramy arnaiy as máziri jasalyp, ol bir ai boiyna júretin bolady. Eske salsaq, qala turǵyndary men qonaqtary úshin ulttyq as taǵamdaryn ázirleý boiynsha taqyryptyq festivalder uiymdastyrylady.
