Almatyda Baýyrjan Momyshuly beinelengen mýral tóńireginde daý shyqty. Sýretshiler Batyr Sádýaqasov pen Ǵalymjan Balsarynyń aitýynsha, olar eskiz avtory, biraq ony qoldanýǵa eshkim ruqsat suramaǵan, - dep habarlaidy Tengrinews.kz tilshisi.
Almatyda Momyshuly jáne Rysqulov kósheleri qiylysynda eki úidiń qasbetinde Uly Otan soǵysynyń batyry Baýyrjan Momyshuly beinelengen jańa mýral paida boldy. Jas sýretshiler Batyr Sádýaqasov pen Ǵalymjan Balsary eskiz avtory ekenin málimdedi, alaida aýdan ákimdigi mýraldy salar kezde olarǵa eskertpegen.
"Ekskiz biyl qyrkúiekte salyndy. Madina mýraldyń salynýyn ákimdik qoldaitynyn, eskiz jasaý kerek ekenin aitty. Bastapqyda taqyryp Táýelsizdiktiń 30 jyldyǵy jáne Baýyrjan Momyshulynyń beinesi boldy, biraq keiinirek Momyshulynyń portreti daiyndaldy. Nátijesinde mýral ǵimarat qasbetinde paida boldy, biraq eskiz úshin aqy tólenbedi jáne ony salý barysyna qatyspadyq", - dedi Batyr Sádýaqasov.
Sýretshiler Momyshulynyń sýretin muqiiat iriktep, kontseptsiiany ázirlegen.
"Bul beine uly qazaq jaýyngeriniń beinesin jetkize otyryp, kez kelgen jerde jaqsy kórinedi", - delingen eskiz túsindirmesinde.
Sýretshiniń aitýynsha, olar mýraldyń eki eskizin jasaǵan, bireýi 400 myń teńge, al ekinshisi 250 myń teńgege baǵalanǵan. Batyr bul naqty soma emes ekenin aitty, óitkeni olarǵa jumys tobyna tapsyrys beriledi dep ýáde bergen. Jalpy eki mýraldyń qunyn sýretshiler 4,5 million teńgege baǵalady. Alaida mýral týraly eshkim habarlamaǵan.
Batyr Sádýaqasov Alataý aýdany ákimdiginiń ókili bailanysqa shyǵyp, daýly máseleni sheshý úshin merdigerlermen kezdesýge kelýdi usynǵan.
Alataý aýdany ákimdiginiń abattandyrý bóliminiń basshysy Ediljan Narmatov Momyshuly beinelengen mýral turǵyndardyń usynysy boiynsha 2020 jylǵa arnalǵan "Qatysý biýdjeti" jobasy aiasynda qurylǵanyn aitty.
"Qatysý biýdjeti" boiynsha bizde daiyn nobai bolǵan joq jáne rásim aiasynda tender jariialadyq. Merdiger - "Qazaqstan elektro" kompaniiasy anyqtaldy. Olardan úsh nusqa suradyq, nátijesinde osy nusqa tańdaldy", - dedi Ediljan Narmatov.
Ákimdik ókiliniń aitýynsha, jobanyń quny "Qatysý biýdjeti" boiynsha shamamen 7,3 million teńgege baǵalanǵan. Qazir ákimdikte merdigermen, ótinim avtorlarymen jáne sýretshilermen kezdesý ótkizý josparlanǵan. Osy kelissózder barysynda ákimdik mýral boiynsha sheshim qabyldaidy.
