Almaty qalasynyń depýtattary beibit mitingilerdi ótkizý oryndaryn bekitti, dep habarlaidy "Ult aqparat".
«El Prezidenti Toqaev Qasym-Jomart Kemeluly árbir iri qalada mitingiler ótkizýge bolatyn ekinshi oryndy belgileý týraly tapsyrma bergenin bilesizder. Bizde birinshi oryn – «Saryarqa» kinoteatrynyń artynda ornalasqan gúl baǵy bolatyn. Biraq ol ýaqytsha oryn edi. Qazir ol zańdy túrde bekitildi. Al ekinshi oryn retinde M.Gandi atyndaǵy saiabaq belgilendi. Bastapqyda «Ońtústik» saiabaǵy usynyldy. Biraq komissiia bul jer mitingiler ótkizýge beiimdelmegen degen sheshimge keldi», - dedi máslihat depýtaty Rahman Alshanov.
Onyń sózinshe, zań jobasy qoǵamdyq keńeste talqylandy, Ulttyq qoǵamdyq senim keńesinde qaraldy. Al qazir QR Úkimetiniń qaraýynda jatyr.
Ol sondai-aq beibit jinalystar týraly habardar etý sipaty qarastyrylǵanyn atap ótti.
«Habardar etý sipaty engizildi. Biraq qashan jáne qalai ótkiziletini jergilikti bilikpen kelisiledi. Sebebi aýrýhanalar, mektepter, áskeri bólimsheler aldynda syndy tyiym salynǵan oryndar bolady. Uiymdastyrýshylar ótinish beredi, ákimdik qarap, kelisedi», - dep túsindirdi Rahman Alshanov.
Bul rette, onyń aitýynsha, jinalystardyń taqyryby men qatysýshylardyń sanyna shekteý qoiylmaǵan. Tek taqyryby bekitilgen zańǵa sáikes kelýi tiis.
Eske salaiyq, Memleket basshysy Qasym-Jomart Toqaev Ulttyq qoǵamdyq senim keńesiniń otyrysynda qoǵamda miting ótkizý mádenietin qalyptastyrý kerektigin aitqan bolatyn.
