Almaty qalasy Ortalyq meshitiniń naib imamy Ermek Kókirekbaev onlain brifing barysynda meshitterdi kezeń-kezeńmen ashý josparlanyp otyrǵanyn jetkizdi, dep habarlaidy "Ult aqparat".
Onyń aitýynsha, Qazaqstan musylmandary dini basqarmasy meshitterdiń tolymdylyǵyn 30 paiyzdan asyrmai, bir kelýshige 4 sharshy metr talabyn saqtai otyryp, meshitterdi kezeń-kezeńimen ashý týraly usynys jasady.
«Qazaqstan musylmandary dini basqarmasy osy máselege bailanysty quzyretti mekemelerge karantin talaptaryn saqtai otyryp, meshitterdi qaita ashý turaly usynys berdi. Ótkizgen kelissózderde QMDB-nyń usynysy maquldandy. Meshit tolymdylyǵyn 30 paiyzdan asyrmaý, bir kelýshige 4 sharshy metr talabyn saqtai otyryp, meshitterdi kezeń-kezeńimen ashý talqylanýda. Meshitter jaqyn kúnde qaita ashylady degen úlken úmit bar», – deidi Ermek Kókirekbaev.
Sonymen qatar, ol eger meshitterdiń jumysy jandanatyn bolsa, sanitarlyq talaptar tolyq saqtalatynyn jetkizdi.
«Qaladaǵy barlyq meshitterge dezinfektsiia jumystaryn júrgizý týraly tapsyrmalar berilgen. Demeýshilerdiń kómegimen qazir dezinfektsiia jasaityn qurylǵylar satyp alyndy, iaǵni meshitter qaýipsizdik sharalaryna saqadai sai otyr», - dep qortyndylady Ortalyq meshitiniń naib imamy Ermek Kókirekbaev.
