Foto: ashyq derekkóz
Almaty qalasynda mektep direktorynyń orynbasary men býhgalter biýdjet qarajatyn jymqyrǵany úshin sottaldy, dep habarlaidy «Ult aqparat» qalalyq prokýratýraǵa silteme jasap.
Tergeý materialdaryna sáikes, ekeýi 2019 jyldyń qańtar aiynan bastap 2023 jyldyń tamyz aiyna deiin memlekettik qarajatty jymqyrý maqsatynda óziniń qyzmettik jaǵdaiyn paidalanyp, san alýan tólemderdi negizsiz jasaǵan.
"Qylmystyq áreketter nátijesinde memleketke 11 mln. teńge kóleminde zalal keltirildi. Bas býhgalter jáne direktordyń sharýashylyq bólimi jónindegi orynbasary kináli dep tanylyp, 3 jylǵa bas bostandyǵyn shekteý jazasyna kesildi. Oǵan qosa, olar kommertsiialyq uiymdarda basshylyq laýazymdardy atqarý quqyǵynan aiyryldy", - deidi prokýrorlar.
Zalal tolyq kólemde óteldi. Úkim zańdy kúshine endi.
