Almaty qalasynda koronavirýs epidemiiasyna qarsy kúres sharalaryna 9 milliard teńgege jýyq qarjy bólingen, dep habarlaidy "Ult aqparat".
«Densaýlyq saqtaý ministriniń buiryǵyna sáikes ai saiyn naqty jumys istegen saǵattar boiynsha meditsinalyq uiym qyzmetkerlerine qaýip toby boiynsha ústemeaqy tólenedi. Almaty qalasy boiynsha COVID-19 virýsyna qarsy kúres aiasynda epidemiiaǵa qarsy is-sharalarǵa tartylǵan uiym qyzmetkerlerine naýryzdan bastap 8 mlrd 890 mln teńge tólendi», – deidi Almaty qalasy qoǵamdyq densaýlyq saqtaý basqarmasynyń basshysy Kamaljan Nadyrov.
Ai saiynǵy tólemder:
–Naýryz aiynda 3 766 meditsina qyzmetkeri - 1 mlrd 262 mln teńge.
– Sáýir aiynda 5 474 meditsina qyzmetkeri - 1 mlrd 511 mln teńge.
– Mamyr aiynda 5 043 meditsina qyzmetkeri - 1 mlrd 518 mln teńge.
–Maýsym aiynda 5 432 meditsina qyzmetkeri - 1 mlrd 805 mln teńge.
– Shilde aiynda 7 550 meditsina qyzmetkeri - 2 mlrd 792 mln teńge.
«Sonymen qatar, birinshi táýekel tobynyń meditsinalyq qyzmetkerleri jatyn orynmen, kúnine úsh márte tamaqpen jáne kólikpen qamtamasyz etildi. Eki myń meditsina qyzmetkerine Almaty qalasynyń 18 qonaq úiinde bólme berildi»,– dedi ol.
