Almatyda qaita jasalǵan «Medeý-Shymbulaq» kópiri paidalanýǵa berildi, dep habarlaidy "Ult aqparat".
1982 jyly salynǵan kópir taý shańǵysy kýrorty men muz aidyny arasyndaǵy avtokólik bailanysyn ustap turǵan edi.
«Kópir birneshe jyl boiy apatty jaǵdaida boldy. Sol sebepti byltyr jeltoqsanda ýaqytsha kópir jasalyp, negizgi kópirde kúrdeli jóndeý bastalyp ketken edi. Tolyǵymen jol qaita tóselip, astyndaǵy tirekteri aýystyryldy. Endi ýaqytsha kópir buzylyp, ornyna jańa kópir paidalanýǵa berildi», - dedi qalalyq Jolaýshylar kóligi jáne avtomobil joldary basqarmasynan.
Aita ketý kerek, Shymbulaq taý shańǵysy kýrorty úshin bul kópirdiń strategiialyq mańyzy joǵary. Atalǵan kópir taý shańǵysy kýrortyna jetkizetin jalǵyz jol bolyp otyr.
