Almatyda «Medeý» muz aidynynyń 50-shi mereitoilyq maýsymy ashyldy. Bul týraly qala ákimi Baqytjan Saǵyntaev Instagram-paraqshasynda jazdy, dep habarlaidy "Ult aqparat".
««Medeý» muz aidynynda 50-shi mereitoilyq maýsym ashyldy. Qaladaǵy sanitarlyq-epidemiologiialyq jaǵdai eskerilip, muz aidyny 2500-den astam adam qabyldai alady. Kirý – Ashyq arqyly.
Seans 3 saǵatqa deiin sozylǵan. Demalys pen mereke kúnderi keshki muz aidyny tún ortasyna deiin jumys isteidi.
Qala turǵyndaryna yńǵaily bolý úshin «Medeýden» shyǵatyn №12 baǵytyndaǵy avtobýstyń sońǵysy túngi saǵat 00.30-da shyǵady. Sonymen qatar, Balýan Sholaqtan – «Medeý» muz aidyny baǵyty boiynsha ekspress-marshrýttyń jumysy qaita jandandy. Alǵashqy kúnderi ekspresster demalys pen mereke kúnderi 9.00-den 19.00-ge deiin júredi», - dep jazdy qala ákimi.
