Almatyda mas kúiinde jumys istegen ekskavator júrgizýshisi ustaldy, dep habarlaidy "Ult aqparat".
Almaty politsiiasy 51 jastaǵy azamatty indýstrialdy aimaqta ustady. Onyń is-áreketi birden kúdik týdyrǵan.
«Onyń qatty qobaljyǵany bilindi, alkogoldiń iisi shyǵyp turdy. Bizdiń kúdigimizdi sot-narkologiialyq saraptama rastady. Ustalǵan azamat ishimdik ishken. Júrgizýshi aýyr qurylys tehnikasyn basqarýdan shettetildi», - deidi Alataý aýdandyq ákimshilik politsiia basqarmasynyń basshysy Báýken Baiymbetov.
Ustalǵan azamatqa qatysty ákimshilik hattama toltyryldy.
Jinalǵan materialdar sheshim qabyldaý úshin Almaty qalasynyń mamandandyrylǵan aýdanaralyq ákimshilik sotyna jiberildi.
