Almatyda Jetisý-3 shaǵyn aýdanynda ornalasqan «Magným» sýpermarketi órtendi, dep habarlaidy QazAqparat tilshisi.
Órt týraly habar «101» qyzmetine tańǵy saǵat 06:56-da kelip túsken.
«Alǵashqy órt sóndirýshiler toby 07:03-te oqiǵa ornyna jetti. Anyqtalýynsha, eki dúńgirshek órtenip, artynsha jalyn kireberis bóliginiń shatyryna ótken. Ǵimarattyń tústigindegi qabyrǵasyna da zaqym kelgen. Órt sóndirýshilerdiń shuǵyl áreketteriniń nátijesinde órttiń kórshiles dúńgirshikterge ótýine jol berilmedi», - dep málimdedi Almaty qalalyq Tótenshe jaǵdailar departamentiniń resmi ókili Sandýǵash Baimuhambetova.
Órt 07:29-da aýyzdyqtalyp, 07:38-de tolyqtai sóndirildi.
Órtten eshkim zardap shekpedi.
