Almatyda «Lexus 570» kóligin urlaǵandar ustaldy, dep habarlaidy "Ult aqparat".
Almatyda qymbat kólikti urlaýmen ainalysatyn qylmystyq top ustaldy.
Urylar toby úsh adamnan túrady. Olardyń ekeýi – Almaty oblysynyń turǵyny. Bireýi – almatylyq.
«13 mamyr kúni kúdiktiler Medeý aýdanynda «Lexus 570» avtokóligin urlap ketken. Olar esikti tehnikalyq qurylǵy arqyly ashqan. Kúdiktiler óz qurbandaryn birneshe kún boiy baqylap otyrǵany, onyń qalada júretin baǵdaryn zerttegeni anyqtaldy. Olar jol talǵamaityn kólik iesi kafede kezdesýde bolǵan kezde, qymbat kólikti aidap ketken. Osy qylmysty ashý maqsatynda arnaiy tergeý-jedel toby quryldy. Nátijiesinde urlanǵan kólikti jasyrǵan úi anyqtaldy. Bul – Almaty oblysy, Talǵar aýdany, Besqainar aýylynda jalǵa berilgen turǵyn úi», – dedi Almaty qalalyq politsiia departamentiniń bastyǵy Qanat Taimerdenov.
Politseiler is-sharany arnaiy jasaq sarbazdarynyń kómegimen ótkizdi. Atalǵan úidiń aýmaǵynda ruqsat etilgen tekserý barysynda urlanǵan jol talǵamaityn kólik, osy kóliktiń salonynan alynǵan aqshanyń bir bóligi, sondai-aq kúdiktiler qylmysqa qoldanǵan tehnikalyq qurylǵylar jáne jasandy shash pen murt tárkilendi.
« Urylar qylmysqa muqiiat daiyndalǵany anyq. Alaida aiyptalýshylardyń qylmystyq josparlary júzege aspady. Qazir olar ustalyp, ýaqytsha ustaý izoliatoryna qamaldy», – dep túiindedi Qanat Taimerdenov.
