الماتىدا «Lexus 570» كٶلٸگٸن ۇرلاعاندار ۇستالدى, دەپ حابارلايدى "ۇلت اقپارات".
الماتىدا قىمبات كٶلٸكتٸ ۇرلاۋمەن اينالىساتىن قىلمىستىق توپ ۇستالدى.
ۇرىلار توبى ٷش ادامنان تٷرادى. ولاردىڭ ەكەۋٸ – الماتى وبلىسىنىڭ تۇرعىنى. بٸرەۋٸ – الماتىلىق.
«13 مامىر كٷنٸ كٷدٸكتٸلەر مەدەۋ اۋدانىندا «Lexus 570» اۆتوكٶلٸگٸن ۇرلاپ كەتكەن. ولار ەسٸكتٸ تەحنيكالىق قۇرىلعى ارقىلى اشقان. كٷدٸكتٸلەر ٶز قۇرباندارىن بٸرنەشە كٷن بويى باقىلاپ وتىرعانى, ونىڭ قالادا جٷرەتٸن باعدارىن زەرتتەگەنٸ انىقتالدى. ولار جول تالعامايتىن كٶلٸك يەسٸ كافەدە كەزدەسۋدە بولعان كەزدە, قىمبات كٶلٸكتٸ ايداپ كەتكەن. وسى قىلمىستى اشۋ ماقساتىندا ارنايى تەرگەۋ-جەدەل توبى قۇرىلدى. نەتيجيەسٸندە ۇرلانعان كٶلٸكتٸ جاسىرعان ٷي انىقتالدى. بۇل – الماتى وبلىسى, تالعار اۋدانى, بەسقاينار اۋىلىندا جالعا بەرٸلگەن تۇرعىن ٷي», – دەدٸ الماتى قالالىق پوليتسييا دەپارتامەنتٸنٸڭ باستىعى قانات تايمەردەنوۆ.
پوليتسەيلەر ٸس-شارانى ارنايى جاساق ساربازدارىنىڭ كٶمەگٸمەن ٶتكٸزدٸ. اتالعان ٷيدٸڭ اۋماعىندا رۇقسات ەتٸلگەن تەكسەرۋ بارىسىندا ۇرلانعان جول تالعامايتىن كٶلٸك, وسى كٶلٸكتٸڭ سالونىنان الىنعان اقشانىڭ بٸر بٶلٸگٸ, سونداي-اق كٷدٸكتٸلەر قىلمىسقا قولدانعان تەحنيكالىق قۇرىلعىلار جەنە جاساندى شاش پەن مۇرت تەركٸلەندٸ.
« ۇرىلار قىلمىسقا مۇقييات دايىندالعانى انىق. الايدا ايىپتالۋشىلاردىڭ قىلمىستىق جوسپارلارى جٷزەگە اسپادى. قازٸر ولار ۇستالىپ, ۋاقىتشا ۇستاۋ يزولياتورىنا قامالدى», – دەپ تٷيٸندەدٸ قانات تايمەردەنوۆ.
