Foto: Almaty TJD
Almaty ákimi Erbolat Dosaev qaitys bolǵan otbasynyń týystaryna kóńil aityp, jaqyndaryna qandai qoldaý kórsetiletini týraly aitty, - dep habarlaidy «Ult aqparat» Sputnik Qazaqstanǵa silteme jasap.
"Ákimdik aqtyq saparǵa shyǵaryp salý rásimderin ótkizý boiynsha barlyq qajetti kómekti kórsetedi. Bul otbasynyń úlken uly – shetelde oqityn Dmitrii Shinniń oqýyna da kómektesedi, sondai-aq ata-anasynyń qarjylyq mindettemelerin sheshýge járdemdesemiz", - dedi Erbolat Dosaev.
Eske salsaq, 8 aqpan kúni tańerteń Almatyda lai kóshkininen úiindi astynda qalǵan tórt adamnyń denesi tabyldy. Úiindi astynan qutqarýshylar 1984 jyly týǵan er adamnyń, 1980 jyly týǵan áieldiń jáne 2007 jyly týǵan egiz jasóspirimniń denesin taýyp alyp shyqty. Qaiǵyly oqiǵaǵa sýyq sýmen jabdyqtaý qubyrynyń jarylýy sebep bolǵan.
