Almatyda 14 kúndik oqshaýlaný rejimin buzǵan taǵy 235 turǵyn ákimshilik jaýapkershilikke tartyldy, - dep habarlaidy "Ult aqparat".
Vedomstvo málimetinshe, erejebuzýshylar Ákimshilik kodekstiń 425-baby 1-bóligine sáikes 30 AEK (87 510 teńge) mólsherinde aiyppul tólegen.
Ashyq arqyly QR-kodty skanerleý nátijesinde "qyzyl" mártebesi (PTR-synamasy oń nátije kórsetken) bar turǵyndar anyqtalǵan. Olar nysanǵa kirgizilmedi.
Erejebuzýshylar tizimi myna siltemede jariialanǵan.
Sanitariialyq-epidemiologiialyq baqylaý departamenti ambýlatorlyq em alyp jatqan azamattardy ózin-ózi oqshaýlaý rejimin buzbaýǵa jáne qoǵam aldynda azamattyq jaýapkershilikti umytpaýǵa shaqyrady.
Juqtyrǵandarmen bailanysta bolǵan adamdar da ózin-ózi oqshaýlaý rejimin saqtaýy jáne basqa adamdardyń juqtyrýyn boldyrmaý úshin adamdar jappai jinalatyn oryndarǵa barýdan bas tartýy tiis.
