Búgin Qazaqstan Respýblikasy Premer-Ministriniń orynbasary Eraly Toǵjanov jumys saparymen Almaty qalasyna bardy. Almaty qalasynyń ákimi Baqytjan Saǵyntaevpen birlesip qalanyń 70-ten astam aýrýhanasy men emhanasynyń bas dárigerleriniń qatysýymen beinebailanys rejiminde aýqymdy jinalys ótkizildi.
Qazirgi epidemiologiialyq jaǵdaidyń ózekti máseleleri jáne megapoliste COVID-19 taralýyna jol bermeý boiynsha qabyldanyp jatqan sharalar qaraldy.
Koronavirýs infektsiiasynyń taralý qarqyny boiynsha Almaty sary aimaqta ornalasqan. Kúzdiń basynda jáne ortasynda tómendegennen keiin aýrýdyń ósýi baiqalady. Osylaisha, juqtyrǵandardyń sany 0,2%-ǵa deiin ósti, taralý koeffitsienti turaqty, 1-den joǵary. Juqtyrý oshaqtarynyń eń kóp sany Bostandyq, Almaly, Áýezov jáne Medeý aýdandarynyń aýmaǵynda ornalasqan.
Ósýdiń sebepteri men juqtyrý kózderi - qoǵamdyq oryndarǵa barý, úi, qalalyq kólik, jumys orny boiynsha aýrýdy juqtyrǵandarmen bailanys jasaý, sondai-aq shetelderden tasymaldaý. Sonymen qatar, PTR testileý qunynyń tómendeýine bailanysty qalalyqtardyń óz betinshe júginýi boiynsha júrgizilgen tekserýler sany artty, bul statistikalyq derekterde de kórinis tabady (pandemiia bastalǵannan beri Almatyda 668 myń tekserý júrgizildi, onyń 294,5 myńy - qalalyqtardyń óz betinshe júginýi boiynsha).
Halyq arasynda aýrýdy juqtyrýdy azaitý maqsatynda qala ákimshiligi shekteý rejiminiń saqtalýyna baqylaýdy kúsheitý boiynsha sharalar qabyldady. Aǵymdaǵy jyldyń qazan aiynan bastap 32 monitoringtik top 518 is-shara ótkizdi, onyń sheńberinde 4264 obekt qamtyldy. 956 obektide (23%) talaptardy buzý faktileri anyqtaldy. Shekteý sharalaryn saqtamaǵany úshin 789 ákimshilik quqyq buzýshylyq týraly hattama jasaldy, onyń ishinde 592-si betperde rejimin buzǵany úshin jeke tulǵalarǵa qatysty. 13 material sotqa berildi.
Sonymen birge, Almatyda pandemiianyń jańa tolqynyna 7011 tósek-orny bar, sonyń ishinde 250 reanimatsiialyq tósek-orny bar 23 kovid klinikasy ázirlengen. 3 jańa infektsiialyq statsionar salynyp, eki klinika rekonstrýktsiialandy. Klinikalardyń materialdyq-tehnikalyq bazasyn nyǵaitý boiynsha keshendi jumys júrgizilýde.
Meditsinalyq qoǵamdastyq ókilderimen keńes barysynda KVI-men aýyrǵan patsientterge kómek kórsetýge qatysqan meditsinalyq uiymdardy, qalalyq onkologiialyq ortalyqty qarjylandyrý, sondai-aq jedel járdem mashinalaryn jetkizý salasyndaǵy máseleler qaraldy.
QR Premer-Ministriniń orynbasary Eraly Toǵjanov qalada syrqattanýshylyqtyń ósýine, sondai-aq COVID-19 PTR diagnostikasynyń máselesi boiynsha zerthanalardyń jumysyn úilestirýdiń mańyzdylyǵyna nazar aýdardy.
«Búgin qoiylǵan mindetterdi búgin qalanyń bas sanitarlyq dárigerimen birlesip taldap, qajetti sharalar qabyldaýdy suraimyn», — dedi E. Toǵjanov.
Keńes qorytyndysy boiynsha QR Premer-Ministriniń orynbasary Eraly Toǵjanov naqty tapsyrmalar berdi:
- qyzmetkerleriniń sany 15 jáne odan kóp adamdy quraityn uiym qyzmetkerleriniń 60-80%-yn qashyqtan jumys isteý rejimine kóshirý;
- mektepke deiingi balalar mekemelerinde qosymsha kezekshi toptardy, qala mektepterinde kezekshi synyptar ashýdy toqtata turý;
- jeksenbi kúnderi sanitarlyq kúnge jabyla otyryp, SOO, saýda obektileriniń jumysyn senbi kúni saǵat 17.00-ge deiin shekteý;
- jeksenbi kúnderi sanitarlyq kún retinde jabylýmen, SOS, saýda obektileriniń jumysyn senbi kúni saǵat 17.00-ge deiin shekteý;
- qoǵamdyq tamaqtaný obektileriniń, onyń ishinde saýda oiyn-saýyq ortalyqtarynda ornalasqan nysandardyń qyzmetine saǵat 7.00-den 23.00-ge deiin, ujymdyq is-sharalar ótkizbei, bas sanitar dárigerdiń Qaýlysynyń talaptaryn saqtai otyryp, otyratyn oryndar sany 50-den aspaǵan jaǵdaida ruqsat etý;
- ónerkásiptik, qurylys, kólik kásiporyndarynyń qyzmetkerlerin jumysqa jetkizý jáne tasymaldaý úshin uiymdarǵa qyzmettik kólikti paidalanýdy usyný;
- bas sanitarlyq dárigerdiń Qaýlysynyń talaptaryn saqtai otyryp, HQKO jumysy njumys kúnderi saǵat 10.00-den 18.00-ge deiin, senbi kúnderi saǵat 10.00-den 15.00-ge deiin jumys kestesin belgilei otyryp uiymdastyrý;
- testilik rejimde jumys isteý kezinde belgilengen shekteý sharalaryn saqtai otyryp, týrizm obektileriniń jumysyn jalǵastyrý.
