Almaty qalasynyń №2 Jetisý aýdandyq sotynda adam urlaǵan úsh jigittiń isi boiynsha sot otyrysy ótti, dep habarlaidy "Ult aqparat".
Sot málimetine sáikes, biylǵy tamyz aiynda túngi ýaqytta úsh jigit týysqan sińlisimen birge serýendep júrgen kámeletke tolmaǵan qyzdyń úiiniń janyna kelgen. Birshama ýaqyt ótken soń er azamattardyń biri B.-nyń artqy jaǵynan kelip, aýzyn jaýyp, dostarymen birge kólikke otyrǵyzǵan. Qalaǵa jeter jolda jasóspirim qyz qoldarynan sytylyp, kólikten qashyp shyǵa alǵan.
Sotta jigitterdiń biri qyzdyń sońynan ony alǵash dámhanada kórgen – ótken jyldan beri baqylap júrgenin aitty. Sol kezdesýden keiin qyzdy áleýmettik jelide taýyp alyp, jii jazyp turǵan. Biraq, jaýap hattar kelmegen. Keiin úilený úshin urlap qashýdy sheshken.
Ol óz kinásyn moiyndap, istegen isine ókindi. Kámeletke tolmaǵan qyz jigitterge keshirim berip, sottan bas bostandyqtarynan aiyrmaýdy surady.
Sot er azamattardyń úsheýine de probatsiialyq baqylaýmen jeti jylǵa bas bostandyqtaryn shekteý jazasyn taǵaiyndady.
Úkim zańdy kúshine engen joq.
