الماتى قالاسىنىڭ №2 جەتٸسۋ اۋداندىق سوتىندا ادام ۇرلاعان ٷش جٸگٸتتٸڭ ٸسٸ بويىنشا سوت وتىرىسى ٶتتٸ, دەپ حابارلايدى "ۇلت اقپارات".
سوت مەلٸمەتٸنە سەيكەس, بيىلعى تامىز ايىندا تٷنگٸ ۋاقىتتا ٷش جٸگٸت تۋىسقان سٸڭلٸسٸمەن بٸرگە سەرۋەندەپ جٷرگەن كەمەلەتكە تولماعان قىزدىڭ ٷيٸنٸڭ جانىنا كەلگەن. بٸرشاما ۋاقىت ٶتكەن سوڭ ەر ازاماتتاردىڭ بٸرٸ ب.-نىڭ ارتقى جاعىنان كەلٸپ, اۋزىن جاۋىپ, دوستارىمەن بٸرگە كٶلٸككە وتىرعىزعان. قالاعا جەتەر جولدا جاسٶسپٸرٸم قىز قولدارىنان سىتىلىپ, كٶلٸكتەن قاشىپ شىعا العان.
سوتتا جٸگٸتتەردٸڭ بٸرٸ قىزدىڭ سوڭىنان ونى العاش دەمحانادا كٶرگەن – ٶتكەن جىلدان بەرٸ باقىلاپ جٷرگەنٸن ايتتى. سول كەزدەسۋدەن كەيٸن قىزدى ەلەۋمەتتٸك جەلٸدە تاۋىپ الىپ, جيٸ جازىپ تۇرعان. بٸراق, جاۋاپ حاتتار كەلمەگەن. كەيٸن ٷيلەنۋ ٷشٸن ۇرلاپ قاشۋدى شەشكەن.
ول ٶز كٸنەسىن مويىنداپ, ٸستەگەن ٸسٸنە ٶكٸندٸ. كەمەلەتكە تولماعان قىز جٸگٸتتەرگە كەشٸرٸم بەرٸپ, سوتتان باس بوستاندىقتارىنان ايىرماۋدى سۇرادى.
سوت ەر ازاماتتاردىڭ ٷشەۋٸنە دە پروباتسييالىق باقىلاۋمەن جەتٸ جىلعا باس بوستاندىقتارىن شەكتەۋ جازاسىن تاعايىندادى.
ٷكٸم زاڭدى كٷشٸنە ەنگەن جوق.
