Almaty qalalyq Medeý aýdanynyń № 2 aýdandyq sotynda zorlaý isi boiynsha aiyptalǵan 34 jastaǵy azamat Azamat Kenjeǵulovqa qatysty qylmystyq is qaraldy, dep habarlaidy "Ult aqparat".
2023 jylǵy 8-naýryzdan 9-na qaraǵan túni Azamat Kenjeǵulov qalanyń túngi klýbtarynyń birinde demalyp, sol ýaqytta óziniń qurbylarymen demalyp júrgen tanysy O-men kezdesken. Budan keiin, K. ony úiine shyǵaryp salamyn degen syltaýmen óz páterine ákeldi. Ári qarai, jábirlenýshiniń dármensiz kúiin (alkogoldik mas bolý) paidalanyp, zorlyq-zombylyq kórsetip, jábirlenýshiniń erkinen tys jynystyq qatynas jasaǵan. Osylaisha sottalýshy zorlaý isin júzege asyrǵan.
Sottalýshy K. kinásin moiyndamady jáne sottan ony aqtaýdy nemese bas bostandyǵynan aiyrýǵa bailanysty emes jaza taǵaiyndaýdy surady.
Prokýror sottalýshyny kináli dep tanýdy jáne 5 jyl 4 aiǵa bas bostandyǵynan aiyrý jazasyn taǵaiyndaýdy surady.
Sottalýshynyń kinási is boiynsha jinalǵan saraptamalardyń qorytyndylary, jábirlenýshi men kýágerlerdiń aiǵaqtary arqyly dáleldendi. Sot úkimimen K. QK-niń 120 baby 1 b. boiynsha kináli dep tanyldy jáne oǵan 5 jylǵa bas bostandyǵynan aiyrý túrindegi jaza taǵaiyndaldy, sottalýshy jazasyn qaýipsizdigi ortasha qylmystyq-atqarý júiesi mekemesinde óteidi.
Úkim zańdy kúshine engen joq.
