Almatyda koronavirýs infektsiiasynan jazylyp shyqqan naýqastardy ońaltý baǵdarlamasy jasalady. Bul týraly qalalyq Qoǵamdyq densaýlyq saqtaý basqarmasynyń basshysy Kamaljan Nadyrov aitty, dep habarlaidy QazAqparat.
«Biz qazir jazylyp shyqqan naýqastardy qaita ońaltý sharalaryn qolǵa alyp jatyrmyz. Osy baǵytta qalalyq baǵdarlama jasalyp jatyr. Bul baǵdarlama aýyryp shyqqan naýqastardy baqylaý, emdeý, ońaltýǵa baǵyttalǵan. Bul óte mańyzdy, sebebi álemdegi kóptegen ǵalymdar koronavirýstan keiin birshama ýaqyttan soń da birqatar asqyný bolatynyn aiqyndap jatyr. Osy baǵytta da jumys bastalady», - dedi Kamaljan Nadyrov.
Jalpy Almatyda sońǵy 15 kúnde aýrý deńgeii 7 ese tómendegen. Barlyǵy 9 306 adam saýyǵyp shyqty, bul degenimiz juqtyrǵan adamnyń 68% paiyzy jazyldy.
