23 qańtarda Almatydaǵy qurylys alańynda munaraly kran qulap, kranshy jigit mert boldy, - dep habarlady qala ákimdiginiń baspasóz qyzmeti.
Oqys oqiǵa saǵat 10:40 shamasynda Áýezov aýdany Naýai kóshesindegi "NAVOI 3.0" turǵyn úi kesheninde bolǵan. Qurylys salyp jatqan "Miras konstrakshn" merdiger kompaniiasy jalǵa alǵan kran qulaǵan. Qatty jaraqat alǵan 49 jastaǵy kranshy jedel járdem kóligi jetkenshe qaitys bolǵan.
Almaty qalalyq Politsiia departamenti bul derek QK-niń 277-baby 2-bóligi "Taý-ken nemese qurylys jumystaryn júrgizý kezinde qaýipsizdik erejelerin buzý" boiynsha sotqa deiingi tergeýdiń biryńǵai tiziliminde tirkelgenin málimdedi.
"Bul isti Áýezov aýdandyq Politsiia basqarmasy tergep jatyr. Sot-meditsinalyq saraptama taǵaiyndaldy", - delingen vedomstvo habarlamasynda.
