Almatyda qurylys krany qulap, saldarynan bir adam qaza boldy, - dep habarlaidy Tengrinews.kz.
"20 jyldan asa ýaqyt boiy aýlada qurylys júrip jatyr. Biz qansha ret jazdyq, toqtatyp tastady, sodan keiin qaita bastady. Munda kran turdy. Krannyń bir bóligi úilerge qarsy turdy. Bizge túse me dep qorqyp, birneshe ret jazdyq. Mine, aqyry qulady. Adam qaza boldy. Ol kran astynda qalyp qoiǵan", - deidi jaqyn mańdaǵy úi turǵyny.
Turǵyndardyń aitýynsha, oqiǵa saldarynan qurylys qyzmetkerleriniń biri qaza tapqan.
"Ol - jumysshy, al kran qurylys alańyna qulady. Dál olardyń qorshaýynyń mańynda oiyn alańy bar, onda balalar dál sol kezde oinap júrdi. 20 minýt buryn boldy. Jedel járdem keldi. Bir adam jaraqat aldy, oǵan kómek kórsetildi, basyn tańyp tastady. Ókinishke qarai, ekinshisin qutqara almady... Bári túsinikti. Munyń bári bizdiń kóz aldymyzda, aýlada boldy", - dedi turǵyndardyń biri.
