Almatyda salynyp jatqan kóp qabatty úilerdiń birinen órt shyqty, dep habarlaidy "Ult aqparat".
Qalalyq Tótenshe jaǵdailar departamentiniń málimetinshe, 9 jeltoqsan kúni tańǵy saǵat 10:10–da órt sóndirý kólikteri Almaly aýdany Shagabýtdinov pen Shevchenko kóshesiniń qiylysynda ornalasqan 130 mekenjaiyna jiberildi.
«Órt sóndirýshiler kelgende jańadan salynyp jatqan kóp qabatty úidiń ekinshi qabatynda 10 sharshy metr aýmaqta qurylys materialdarynyń janyp jatqanyn anyqtady», – dep habarlady Almaty qalalyq Tótenshe jaǵdailar departamentinen.
Shuǵyl qabyldanǵan sharalardyń arqasynda tutanǵan ot saǵat 10:22 minýtta oqshaýlanyp, 5 minýtta tolyq sóndirildi.
Zardap shekkender men qaitys bolǵandar joq.
