Almatyda quny $50 mln bolatyn Amerika men Qazaqstannyń birikken óndiristik jobasy iske qosylady, dep habarlaidy "Ult aqparat".
Bul týraly qala ákimi Baqytjan Saǵyntaev Twitter paraqshasyndaǵy jazbasynda aitty.
«Valmont Industries kompaniiasynyń jahandyq operatsiialar boiynsha vitse-prezidenti Robert Gillenmen kezdesý kezinde Almatynyń Indýstrialdy aimaǵynda quny $50 mln bolatyn investitsiialyq-óndiristik jobany júzege asyrý týraly kelistik», - dedi ákim.
Bul joba boiynsha Almaty arnaiy ekonomikalyq aimaǵynda irrigatsiialyq júielerdi shyǵaratyn zaýyt salynady.
«Indýstrialdyq aimaqta sizderdiń zaýyttyń boi kóterýi Almaty qalasynyń investitsiialyq tartymdylyǵyn taǵy bir dáleldese kerek», - dedi Baqytjan Saǵyntaev.
Búginde Almaty arnaiy indýstrialdyq aimaǵynda 43 kompaniia jobalardy júzege asyrýǵa kiristi.
Onyń 9-yna sheteldik investorlardyń qatysy bar. Jalpy quny 181 mlrd teńge investitsiia salynatyn boldy. 6,7 myńnan asa jumys orny ashylady.
Biyl jalpy quny 24,1 mlrd teńge bolatyn 14 joba iske qosylady.
