Almatyda KTK telearnasynyń operatory Oljas Belgibaev iz-tússiz joǵalyp ketti. Bul týraly joǵalǵan er adamnyń ákesi habarlady, dep jazady Tengrinews.kz tilshisi.
Jaqyndarynyń málimetinshe, Oljas Belgibaev osymen besinshi táýlik izdestirilip jatyr. Senbi kúni kinoǵa ketkennen sol kúii oralmaǵan. Dosynyń aitýynsha, Oljastyń telefony sóndirýli. Internetke sońǵy ret senbiden jeksenbige qaraǵan túni kirgen.
Oljas Belgibaevtiń ákesiniń aitýynsha, olar politsiiaǵa aryz qaldyrǵan.
Al áriptesteriniń aitýynsha, áleýmettik jelilerde habarlamalar jariialanyp, izdestirý jumystaryna eriktiler kómektesip jatyr.
