Almatyda kottedj jaldap, merekelik shara uiymdastyratyndardy jazalaý mehanizmi qarastyrylyp jatyr. Bul týraly onlain brifing barysynda qalalyq sanitariialyq-epidemiologiialyq baqylaý departamenti basshysynyń orynbasary Sádýaqas Baiǵabylov aitty, dep habarlaidy "Ult aqparat".
Brifing barysynda jýrnalister spikerden «monitoring toptary jalǵa alynǵan kottedjderdegi sharalardy toqtata ala ma?» dep surady
«Búgingi kúni bul - mańyzdy máseleniń biri. Sebebi tek bizdiń qalada ǵana emes, Qazaqstannyń basqa óńirlerinde de kásipkerler kottedjde shara ótkizip júr. Qazirgi ýaqytta biz bul máselemen ainalysyp jatyrmyz, belgili bir zańnamalyq máseleler bar, óitkeni bul - turǵyndardyń jeke aýmaǵy. Uiymdastyrýshylardy da, qala turǵyndaryn da tekserý jumysyn qarastyryp jatyrmyz. Arnaiy mehanizm jasalady», - dedi Sádýaqas Baiǵabylov.
Aita keteiik, Almaty epidemiologiialyq jaǵdai boiynsha áli de «qyzyl» aimaqta tur.
Ótken táýlikte qalada 526 adamnan koronavirýs anyqtalǵan.
