الماتىدا كوتتەدج جالداپ, مەرەكەلٸك شارا ۇيىمداستىراتىنداردى جازالاۋ مەحانيزمٸ قاراستىرىلىپ جاتىر. بۇل تۋرالى ونلاين بريفينگ بارىسىندا قالالىق سانيتارييالىق-ەپيدەميولوگييالىق باقىلاۋ دەپارتامەنتٸ باسشىسىنىڭ ورىنباسارى سەدۋاقاس بايعابىلوۆ ايتتى, دەپ حابارلايدى "ۇلت اقپارات".
بريفينگ بارىسىندا جۋرناليستەر سپيكەردەن «مونيتورينگ توپتارى جالعا الىنعان كوتتەدجدەردەگٸ شارالاردى توقتاتا الا ما?» دەپ سۇرادى
«بٷگٸنگٸ كٷنٸ بۇل - ماڭىزدى مەسەلەنٸڭ بٸرٸ. سەبەبٸ تەك بٸزدٸڭ قالادا عانا ەمەس, قازاقستاننىڭ باسقا ٶڭٸرلەرٸندە دە كەسٸپكەرلەر كوتتەدجدە شارا ٶتكٸزٸپ جٷر. قازٸرگٸ ۋاقىتتا بٸز بۇل مەسەلەمەن اينالىسىپ جاتىرمىز, بەلگٸلٸ بٸر زاڭنامالىق مەسەلەلەر بار, ٶيتكەنٸ بۇل - تۇرعىنداردىڭ جەكە اۋماعى. ۇيىمداستىرۋشىلاردى دا, قالا تۇرعىندارىن دا تەكسەرۋ جۇمىسىن قاراستىرىپ جاتىرمىز. ارنايى مەحانيزم جاسالادى», - دەدٸ سەدۋاقاس بايعابىلوۆ.
ايتا كەتەيٸك, الماتى ەپيدەميولوگييالىق جاعداي بويىنشا ەلٸ دە «قىزىل» ايماقتا تۇر.
ٶتكەن تەۋلٸكتە قالادا 526 ادامنان كوروناۆيرۋس انىقتالعان.
