Biyl Almatyda «Sergektiń» qosymsha 360-tan astam posty ornatylady, dep habarlaidy qala ákimi Baqytjan Saǵyntaev Instagram -daǵy paraqshasynda.
«Qalada jańa jyldan bastap apparatty-baǵdarlamaly «Sergek» kesheniniń 400 postysy jumys jasai bastady. Alǵashqy 22 kún ishinde 4,5 myńnan astam jol qozǵalysy erejesiniń buzylǵanyn tirkedi. Nátijesinde osy kúnder ishinde jol kólik oqiǵasy 11,6%-ǵa tómendegen», - dep jazdy qala ákimi.
Jalpy, ótken jyldyń osy kezeńimen salystyrǵanda qalada qylmys 38%-ǵa qysqarǵan. Qoǵamdyq qaýipsizdikti qamtamasyz etý boiynsha jumystar odan ári jalǵasady, onyń ishinde joldar men qalalyqtar kóp jinalatyn jerlerde videobaqylaý monitoringi júiesi keńinen qoldanylatyn bolady.
«Biyl «Sergektiń» qosymsha 360-tan astam postysyn ornatýdy josparlaýdamyz. Ár jyl saiyn qoǵamdyq tártiptiń buzylýyn qadaǵalaityn avtomatty videobaqylaý júiesiniń úlesi artatyn bolady», - dep jazdy qala ákimi.
