Almaty ákimi Baqytjan Saǵyntaev halyqpen esepti kezdesýinde biyl qala ishinen jáne qala syrtynan 24 jańa baǵyt ashylatynyn aitty, dep habarlaidy "Ult aqparat".
Ákimniń sózinshe, qala halqynyń sany artqandyqtan ári qala aimaǵynyń keńeiýine bailanysty qoǵamdyq kólik baǵyttaryn jelisin ońtailandyrý qajettigi týǵan.
Qalada marshrýt jelisiniń uzaqtyǵy – 5 myń shaqyrym.
Byltyr qala turǵyndarynyń ótinishimen 14 jańa baǵyt ashyldy. Olardyń 8-i qala syrtyna qatynaidy.
Máselen Boraldai aýylymen Almaty-1 temirjoly vokazalynyń arasynda jańa №10 marshrýt jolǵa shyqty.
«2020 jyly 24 jańa baǵyt ashylady. Bul baǵyttarda 291 avtobýs qyzmet etetin bolady. Sonymen qatar, Almaty – Qapshaǵai baǵytynda elektr poiyzyn jiberý kózdelgen», - dedi ákim.
Bul sharalardyń arqasynda jolaýshylar aǵyny kúnine 850 myńnan 1,2 mln adamǵa artty.
