Almaty kóshelerinen 6446 tekshe metr qar shyǵaryldy. Qar kúreý jumystary jalǵasýda, dep habarlaidy "Ult aqparat".
«Almaty qalasynyń kommýnaldyq qyzmetteri qala joldarynda kóktaiǵaqtyń qalyptasýyna jol bermeý úshin 4242 tonna arnaiy material seýip shyqty. Qar kúreý jumystaryna 641 tehnika jumyldyryldy», – dep habarlady qalalyq ákimdikten.
Sondai-aq ákimdik taratqan málimetterge qaraǵanda, qala kóshelerin qardan tazartý jumystaryna 512 adam tartylǵan. Qazirgi ýaqytta trotýarlar men qoǵamdyq kólik aialdamalary jáne kólik turaǵyna bólingen arnaiy oryndardy tazalaý jumystary júrgizilip jatyr.
Qalalyq jáne aýdandyq ákimdikterde qar shyǵarý jumystaryn baqylaý úshin táýlik boiy qyzmet etetin arnaiy kezekshilik uiymdastyryldy.
