Qazirgi ýaqytta 825 adam úiinde emdelip jatyr. Olar meditsinalyq baqylaýǵa alynǵan. Barlyǵy jeńil dárejeli naýqastar. Bul týraly Qoǵamdyq densaýlyq saqtaý basqarmasynyń basshysy Kamaljan Nadyrov málim etti, dep habarlaidy QazAqparat.
«Ótken aida osy sanattaǵy naýqastardyń sany shamamen 3 esege azaidy jáne tómendeý jalǵasyp keledi. Indet órshigen tusta 2 450-den astam naýqas úiden em alǵan bolatyn. Alǵashqy meditsinalyq-sanitarlyq kómek deńgeiinde COVID-19 virýsy jáne pnevmoniiamen emhana kómegine júgingender 36%-ǵa azaidy. Shilde aiynyń ortasynda qalalyq emhanalarǵa 1 300-den astam naýqas júgingen, búginde emhanalarǵa táýligine COVID-19 virýsynan seziktengen 450-ke jýyq patsient keledi», - deidi Kamaljan Nadyrov.
Sonymen qatar, ol aýrý kórsetkishiniń tómendeýine qaramastan, COVID-19 virýsymen kúres boiynsha meditsinalyq- sanitarlyq alǵashqy kómek deńgeiindegi jumystar jalǵasyn tabatynyn aitty. Meditsinalyq-sanitariialyq alǵashqy kómek kórsetý deńgeiinde barlyǵy 74 meditsinalyq uiym qurylǵan. Onyń 39 memlekettik emhana jáne 35 jeke menshik uiym. MSAK uiymdarynda 9 914 meditsinalyq qyzmetker jumys isteidi.Onyń 2 712 dáriger. MSAK uiymdaryna 2 035 366 adam tirkelgen»,– dedi ol.
Emhanalardyń jumysy mobildi brigadalarmen kúsheitildi. Olardyń sany 5 esege artyp, 409 brigadaǵa jetti. Onda 925 meditsina qyzmetkeri jumys isteidi.
«Ózderińiz biletindei, shilde aiynan bastap naýqastardy monitoringileý ortalyǵy jumys istei bastady. Bul rette birinshi aidyń qorytyndysy boiynsha qaýip tobyndaǵy ambýlatoriialyq 1 500-nan astam naýqasqa keńes berildi. Búgingi jumys boiynsha COVID-19 virýsyna oń jáne teris nátije kórsetken naýqastarǵa nazar aýdaramyz, josparly aýrýhanaǵa jatqyzý toqtaǵan joq, barlyq meditsinalyq uiymdar jumys istep jatyr», - deidi Qoǵamdyq densaýlyq saqtaý basqarmasynyń basshysy Kamaljan Nadyrov.
