Almatyda ótken onlain brifing barysynda qalanyń bas sanitar dárigeri Jandarbek Bekshin koronavirýs infektsiiasynyń táýliktik ósimi tómendep kele jatqanyn aitty, dep habarlaidy "Ult aqparat".
«20 sáýirde táýliktik ósim - 15,6% bolsa, senbi kúni - 2,2% bolǵan. Sońǵy 8 kúnde táýliktegi ósim 6,6 % bolyp tur. Jaqyn arada jaǵdaidy turaqtandyrýǵa múmkindik týady. Kúndelikti ósimdi barynsha tómendetýge tyrysamyz», - dedi Jandarbek Bekshin.
Onyń aitýynsha, qazir qalada 41 myń adam PTR testileýden ótken. 21 myń adam ekspress testileýden ótti. Aýyrǵandardyń 90%-y naýqastarmen bailanysta bolǵan.
