Almatyda onlain-brifing barysynda qalalyq Qoǵamdyq densaýlyq saqtaý basqarmasynyń basshysy Kamaljan Nadyrov qaladaǵy epidemiologiialyq ahýal týraly baiandady, dep habarlaidy "Ult aqparat".
Onyń aitýynsha, pandemiia bastalǵaly beri naýryz aiynan bastap Almaty qalasynda COVID-19-dyń 13 742 jaǵdaiy tirkeldi.
«Sońǵy 15 kúnde aýrý deńgeii 7 ese tómendedi. Eger shilde aiynyń sońynda táýligine 271 jaǵdai tirkelgen bolsa, búgin 40 jaǵdai anyqtaldy. Koronavirýstan qaitys bolǵan adamdar sany – 195. Barlyǵy 9 306 naýqas saýyǵyp shyqty. Bul, indetti juqtyrǵandardyń 68% jazyldy degen sóz», - dedi Kamaljan Nadyrov.
Basqarma basshysy búgin statsionarlardyń júktemesi 19% aspaitynyn aitty.
«Qazir táýligine 60-tan astam naýqas aýrýhanaǵa jatqyzylady. Salystyrmaly túrde bir ai buryn ǵana statsionarlarǵa 417 naýqas túsip otyrǵan. Jalpy, Almatyda 5781 oryn daiarlanǵan», - dedi K.Nadyrov.
