Megapoliste koronavirýstyń «delta pliýs» shtamy tabyldy. Bul týraly Jandarbek Bekshin málim etti, dep habarlaidy QazAqparat.
Jandarbek Bekshinniń aitýynsha, sońǵy eki aida COVID-19 naýqastarynyń belgileri ózgergen.
Eger qyrkúiekte diareia sindromy basym bolsa, qarasha-jeltoqsanda - neirotoksikalyq belgiler anyqtalýda. Sonymen qatar, jansaqtaý bóilimine naýqastar kóp túsip jatyr. Dárigerler jańa shtamm bar dep kúdiktene bastady.
«Búgin biz sońǵy zerthanalyq tekserýdiń nátijelerin aldyq. Jeltoqsan aiynyń basynda biz 84 úlgini sekvenirleýge jiberdik. «Delta pliýs» alty úlgide anyqtaldy. Buryn ol bizdiń qalada joq edi. Endi biz tek ainalymdy anyqtadyq, onyń naqty qansha ekenin keiinirek biletin bolamyz. Tekserý júrgiziledi», - dedi ol.
Almaty qalasynyń bas sanitarlyq dárigeri Jandarbek Bekshin 2021 jyldyń maýsym aiynda «delta pliýs» jańa shtamnyń paida bolǵanyn eske saldy.
DDU málimetinshe, bul shtamm bastapqy koronavirýsqa qaraǵanda eki ese juqpaly.
