Almatyda koronavirýstyń barlyq oshaǵy oqshaýlandy. Bul týraly Almaty qalasynyń memlekettik bas sanitarlyq dárigeri Jandarbek Bekshin brifing barysynda aitty, - dep habarlaidy QazAqparat.
«Almatyda qazirgi ýaqytta 1353 jaǵdai tirkeldi. Sáýir aiynda koronavirýstyq infektsiianyń juqtyrý deńgeii táýligine 6%-dan aspaǵandyqtan, qalada kásiporyndar men mekemeler kezeń-kezeńmen iske qosylyp jatyr. Karantinnen shyǵý úshin Almatyda indet juqtyrǵandardy belsendi anyqtaý maqsatynda jappai testileý bastaldy»,– dedi Jandarbek Bekshin.
Onyń aitýynsha, qaladaǵy patsientterdiń naqty sany megapolis turǵyndarynyń jalpy sanynyń 0,06% quraidy.
«Halyqty keńinen qamtý aýrýdyń simptomsyz jaǵdailaryn jáne juqtyrý oshaǵynyń aimaǵyn anyqtaýǵa múmkindik beredi. Búgingi tańda barlyq oshaqtar oqshaýlandy. Onyń ishinde Ortalyq qalalyq klinikalyq aýrýhana da bar. Infektsiianyń tizbegin úzý úshin kúsheitilgen sanitarlyq-epidemiologiialyq sharalar júrgizilýde», - deidi qalanyń bas sanitar dárigeri.
