Megapoliste koronavirýsty qaita juqtyrý derekteri tirkelýde. Bul týraly onlain brifing barysynda Almaty qalasy sanitariialyq-epidemiologiialyq baqylaý departamentiniń basshysy Jandarbek Bekshin aitty, dep habarlaidy "Ult aqparat".
Onyń aitýynsha, Almatyda virýsty qaita juqtyrýdyń 17 jaǵdaiy tirkeldi. Olarda byltyrǵy jyldyń jazynda koronavirýs infektsiiasy simptomsyz ótken. Endi klinikalyq belgimen ótip jatyr.
«Byltyr tórt jaǵdai tirkelgen bolatyn. Biyl jyl basynan beri 17 adam koronavirýsty qaita juqtyrdy. Ony biz arnaiy baza arqyly anyqtaimyz. Iaǵni, ekinshi ret juqtyrǵan naýqasty bazaǵa engizgen kezde ol qabyldamaidy. Demek, ol shilde aiynda shartty túrde aýyrǵan. Ári qaraiǵy jumys óte qiyn. Bul qaitalanǵan infektsiia ma, álde uzaqqa sozylǵan virýs tasymaldaýshysy ma, osyny anyqtaý qajet «, - dedi Bekshin.
Buǵan deiin ol Almatyda koronavirýs juqtyrǵan balalardyń sany kúrt kóbeigenin aitqan bolatyn.
