مەگاپوليستە كوروناۆيرۋستى قايتا جۇقتىرۋ دەرەكتەرٸ تٸركەلۋدە. بۇل تۋرالى ونلاين بريفينگ بارىسىندا الماتى قالاسى سانيتارييالىق-ەپيدەميولوگييالىق باقىلاۋ دەپارتامەنتٸنٸڭ باسشىسى جانداربەك بەكشين ايتتى, دەپ حابارلايدى "ۇلت اقپارات".
ونىڭ ايتۋىنشا, الماتىدا ۆيرۋستى قايتا جۇقتىرۋدىڭ 17 جاعدايى تٸركەلدٸ. ولاردا بىلتىرعى جىلدىڭ جازىندا كوروناۆيرۋس ينفەكتسيياسى سيمپتومسىز ٶتكەن. ەندٸ كلينيكالىق بەلگٸمەن ٶتٸپ جاتىر.
«بىلتىر تٶرت جاعداي تٸركەلگەن بولاتىن. بيىل جىل باسىنان بەرٸ 17 ادام كوروناۆيرۋستى قايتا جۇقتىردى. ونى بٸز ارنايى بازا ارقىلى انىقتايمىز. ياعني, ەكٸنشٸ رەت جۇقتىرعان ناۋقاستى بازاعا ەنگٸزگەن كەزدە ول قابىلدامايدى. دەمەك, ول شٸلدە ايىندا شارتتى تٷردە اۋىرعان. ەرٸ قارايعى جۇمىس ٶتە قيىن. بۇل قايتالانعان ينفەكتسييا ما, ەلدە ۇزاققا سوزىلعان ۆيرۋس تاسىمالداۋشىسى ما, وسىنى انىقتاۋ قاجەت «, - دەدٸ بەكشين.
بۇعان دەيٸن ول الماتىدا كوروناۆيرۋس جۇقتىرعان بالالاردىڭ سانى كٷرت كٶبەيگەنٸن ايتقان بولاتىن.
